Soos Sjokolade: ’n Sielsbederf

Dis amptelik: sjokolade het dieselfde positiewe uitwerking op jou gemoed as ’n liefdevolle omhelsing wanneer jy dit nodig het.
Net so maak die regte woorde op die regte tyd jou dag soeter. Soos jy jou spanning afskud met die high wat sjokolade gee, so voer woorde jou ’n wyle weg van alles wat moeilik is.
Soos Sjokolade is soos ’n boks met luukse
lekkernye propvol allerlei leesverleidings. Jy kan jou verlustig in die dinge wat belangrik is: liefde, koffie, werk, verhoudings, vuil wasgoed, mans en kinders, die Skepper, moed hou en uithou ...
Of jy nou alles op een slag opsmul of proe-proe die
lekkerte uitrek – hierdie woorde is die beste trooskos
vir jou siel of iemand anders s’n.